اسلام آباد۔10جون(اے پی پی) د قامي اسمبلۍ سپيكر سردار اياز صادق په لكي مروت كښې د امنيتي ځواكونو په ګاډي د ترهګرو د بريد سخته غنده كولو سره د کېپټن محمد فراز الیاس په شمول د 6 ځوانانو په قيمتي ځاني زيان د سخت خفګان او غم دړد څرګندونه كړې ۔ د ګل په ورځ د غندنې خپل بيان كښې ده شهید کېپټن محمد فراز الیاس او نورو مېړنو ځوانانو ته د عقيدت پېرزوئنې وړاندې كړې او غمجنيو كورنيو سره ئۍ غمرازي ښكاره كړه۔ ده ووئيل د مېړنو امنيتي اهلكارو قربانۍ به كله هم بې ځايه نه ځي٬ د غم او دړد په دې سخت وخت كښې مونږ غمجنيو كورنيو سره يو برابر شريك يؤ۔ ده وئيل ترهګر د انسانيت دښمنان دي ٬ د هغوي بزدلانه كارروائۍ د هېواد امن له مينځه وړولو يو ناوړه سازش دے په كوم كښې به چې كله هم كامياب نه شي ٬ د هغوي دا ډول كارروائۍ د ترھګرۍ په ضد د قام عزم كمزورې كولې نه شي۔ ده ووئيل په هېواد كښې د ترهګرۍ ناسور ختمولو له جنګېدونكې د قام اتلان دي۔ سپيكر دعا وكړه چې پاك پروردګار دې شهيدانو له د خپل رحم په پلو كښې ځاے او غمجنې كورنۍ له د صبر او زغم توفيق وركړي
سپيكر په لكي مروت كښې د امنيتي ځواكونو په ګاډي د ترهګرو بريد وغندلو
مضمون کا ماخذ : سپر اسپنر
متعلقہ مضامین
.jpg)
