اسلام آباد 06 جولائي (اے پي پي) د موسمياتي بدلون وفاقي وزيرې سنېټرې شيري رحمان وئېلي دي چې د مون سون په مهال د معمول نه 87 فيصد زيات بارانونه شوي٬پاكستان د موسمياتي بدلون له امله تر ټولو زيات ځپلې كېدونكې 6م هېواد جوړ شوے او وزيراعظم د موسمياتي بدلون پیښو ته د پام كولو هدايت كړے۔ هغې دا خبرې د شورو په ورځ خبري كنفرنس ته د وېنا كولو په مهال وكړې۔ په دې موقع د موسمياتي بدلون وزارت اېډېشنل سېكرټري جودت اياز او د اېن ډي اېم اے د ډيزاسټر رسك ريډكشن غړې ادريس محسود هم موجود وو۔شيري رحمان ووئيل چې مون سون او پري مون سون سره سره په هېواد كښې د ماحولياتي بدلون پیښې هم پرله پسې رامينځ ته كېږي٬پري مون سون د جون په مياشت كښې پېل شوې و چې پكښې زيات بارانونه شوي٬په دې موسم كښې د سختې ګرمۍ په وجه د ګليشيئر وېلې كېدو په وجه د سېلاب 16 پیښې رېكارډ كړې شوې دي كومې به چې وړاندې اوسط د 5 نه تر 6 پېښې وې۔هغې ووئيل چې په مون سون كښې د 14جون نه تراوسه 77 كسان په حق رسېدلې دي۔هغې د صوبائي ډيزاسټر منيجمنټ اتهارټيز او د اېن ډي اېم اے هڅې ستائېلو سره ووئيل چې پي ډي اېم ايز او اېن ډي اېم اے د مون سون تيارۍ باوري كولو لپاره ډېر ښه كار كړې۔دې ووئيل چې د مون سون په مهال د معمول نه 87 فيصد زيات بارانونه شوي٬پاكستان د موسمياتي بدلون له امله تر ټولو زيات ځپلې كېدونكې 6م هېواد جوړ شوې۔دې ووئيل چې د مون سون بارانونه په جنوب كښې روان دي كوم به چې د پنجاب په پلو راځي۔هغې ووئيل چې د هېواد په بندونو كښې په لويې مقدار اوبه راغلې دي٬اېن ډي اېم اے د مون سون بېړنې پلان تيار كړې وو۔هغې مېډيا ته خواست وكړو چې د موسم صورتحال او اپ ډيټس په اړه دې په خلكو كښې خبرتيا پېدا كړي٬حكومت فعاله دې او اولس ته هم پكار دي چې خپل كردار ترسره كړي۔مېډيا ته خواست دې چې د احتياطي تدابيرو نه خلك خبر كړي۔هغې ووئيل چې اېم او سي سي په قانون سازۍ او رابطه كارۍ كښې فعاله دې او د وړومبۍ قامي خطرناك فضله د انتظام د پالېسۍ يې منظوري وركړې
د مون سون په مهال د معمول نه 87 فيصد زيات بارانونه شوي٬پاكستان د موسمياتي بدلون له امله تر ټولو زيات ځپلې كېدونكې 6م هېواد جوړ شوے۔ سېنېټر شيري رحمان
مضمون کا ماخذ : پاور بال انعامات
متعلقہ مضامین
