اسلام آباد 11 جولائي (اے پي پي) خارجه وزير مخدوم شاه محمود قريشي په درې ورځې دوره تاجكستان ته لاړو. خارجه وزير به د تاجكستان په پايه تخت دوشنبه كښې د شنګهائي مرستې تنظيم د خارجه وزيرانو په غونډه كښې ګډون كوي او غونډې ته به وېنا هم كوي. خارجه وزير به د افغانستان په اړه په غونډه كښې هم ګډون كوي او د افغانستان د سولې عمل، د منطقې په تندې سره بدلېدونكي صورتحال او د سيمه ايزې مرستې ودې په اړه به د پاكستان نظر وړاندے كوي. خارجه وزير به د تاجكستان، كرغزستان، ازبكستان، افغانستان، روسيې او د چين خارجه وزيرانو سره ملاقاتونه كوي. په دې ملاقاتونو كښې به په دوه اړخيزه اړيكو او د سيمه ايزو روابطو د ودې پشمول د شريكې خوښې په چارو خبرې كوي. خارجه وزير به د تاجكستان صدر امام علي رحمان سره هم ملاقات كوي.
مضمون کا ماخذ : لکی لیپریچون
