اسلام آباد 10 فروري (اے پي پي) د سېلګرې په ځايونو په بېړنې توګه د براډ بېنډ سروسز وركړې لپاره پوخ عزم لرو، د سېلګرې وده د هېواد د معيشت په استحكام كښې بنيادي كردار ترسره كولې شي او دا هغه وخت ممكن ده چې كله سېلګرو لپاره ټولې اسانۍ باوري كړې شي. دا خبرې د انفارمېشن ټېكنالوجې او ټيلي كميونيكېشن وفاقي وزير سيد امين الحق او د وزيراعظم خاص مرستيال سيد ذوالفقار عباسي بخاري د شورو په ورځ د آئي ټي و ټيلي كميونيكېشن ادارې يونيورسل سروس فنډ له مخې د چترال، كوز دير او بره دير په سيمو كښې د براډ بېنډ وركړې په پروژه د لاسليك دستورې ته په خپلو وېناګانو كښې وكړې. لوظنامه د يونيورسل سروس فنډ چيف اېګزېكټو حارث محمود چوهدري او د ټيلي نار چيف اېګزېټو آفيسر عرفان وهاب خان لاسليك كړه. د پروژې له مخې د چترال، بره او كوز دير په وروستو پاتې سيمو كښې به اولس ته د يو ارب 37 كروړه روپو په لګښت سره د براډ بېنډ سروسز وركولې شي كوم به چې 18 زره مربع كلوميټره سيمه كور كوي. دستورې ته د خاص مېلمه په توګه وفاقي وزير سيد امين الحق په خپله وېنا كښې ووئيل مونږ پوره هڅې كوو چې د وزيراعظم پاكستان ډېجيټل پاكستان وژن له مخې ټولې وسيلې په كار راوستلې شي. وفاقي وزير ووئيل اړوندې محكمې دې د سېلګرې پشمول ټولې مهمې سيمې په ګوته كړي چې دغسې هلته په بېړنې توګه د براډ بېنډ سروسز لپاره اقدامات وكړے شي. د وزيراعظم خاص مرستيال سيد ذوالفقار عباس بخاري دستورې ته په خپله وېنا كښې ووئيل په دې كښې كوم شك نشته چې پاكستان ته قدرت ډېر ښائسته سيمې وركړي كومې چې د ټولې نړۍ سېلګرو لپاره كشش لري. كه يو خوا حكومت سېلګرو ته اسانې وركولو لپاره اقدامات كوي نو ورسره د آئي ټي وزارت هم په دې لړ كښې خپل كردار په ښه ډول ترسره كوي. ده ووئيل د وزارت مننه كوو او وزارت سره به د هغو سيمو تفصيلات شريك كړو چرته چې په سمدستي توګه د كميونيكېشن ښه كولو ضرورت دے
د سېلګرې په ځايونو په بېړنۍ توګه د براډ بېنډ سروسز وركړې لپاره پوخ عزم لرو. وفاقي وزير سيد امين الحق او د وزيراعظم خاص مرستيال ذوالفقار عباس بخاري
مضمون کا ماخذ : números quina hoje
متعلقہ مضامین
