اسلام آباد 28 مئي(اے پي پي) وزیراعظم عمران خان په قرض كښې ريليف لپاره د جي 20 هېوادونو د ګامونو هركلے كولو سره وئيلي دي پرمختګ كوٶنكي هېوادونه دومره وسائل نه لري چې خپل معيشت بحال او د بې وسه طبقو مرسته وكړې شي، په قرض كښې ريليف لپاره د جي 20 هېوادونو د ګامونو هركلے كوٶ، کرونا يوه نړيواله مسئله ده او د دې په ګډه په نړيواله توګه مخ نيوي كول دي، کرونا وائرس خپرېدو د نړۍ معيشتونه ځپلې دي، زمونږ برآمدات هم ځپلې شوي، پرمختللي هېوادونه كه د دې مسئلې مخ نيوي لپاره ګام پورته كړي نو ټول د سخت صورتحال نه راوتې شي۔ د دې خيالاتو څرګندونه وزیراعظم عمران خان د کرونا وبا او د دې نه پس د پرمختګ لپاره د سرمايه كارۍ په حقله نړيوالې ورچوئل غونډې ته خپله وېنا كښې وكړه، د كاناډا او جمیکا وزیراعظم، او د ملګروس ملتونو عمومي سېكتر په ګډه د غونډې مشري وكړه چې پكښې د فرانس، سوئيلي افریقې، قازقستان اولس مشرانو هم ګډون كولو۔ وزیراعظم عمران خان ووئيل مونږ د خپل معيشت بهترۍ لپاره چې د كوم پېكج وركولو استعداد لرلو دا زمونږ د هېواد د تاريخ د ټولو نه لوئې پېكج هم دے كوم چې اته اربه ډالره جوړېږي٬ د امريكې په اړه معلومات لرو چې ھغوي درې ټرېليونه ډالره ، المان يو ټرېیلیون یورو او جاپان د يو ټرېليونه ډالرو پېكج وركړے او كه د دې مونږ د پرمختګ كوٶنكو هېوادونو سره موازنه وكړو نو دغه هېوادونه په مجموعي توګه 7 ټرېليونه ډالره پېكج وركوي۔ وزیراعظم ووئيل د بده مرغه پرمختګ كوٶنكي هېوادونه دومره وسائل نه لري چې ھغوي خپل معيشت بحال كړي او د خپلې ټولنې د بې وسه طبقو مرسته وكړې شي۔ وزیراعظم عمران خان ووئيل مونږ د موسمياتي بدلون مسئلې مخ نيوي له د لس بېليونه اونو نالولو په منصوبه كار كولو خو اوس مونږ خپل وسائل د كرونا وائرس له امله د لاك ډآٶن پلو منتقل كوٶ۔ وزیراعظم ووئيل مونږ د سېلګر څانګې بحالۍ لپاره هڅې كوٶ خو په اوسنۍ وضعه كښې دا هلې ځلې هم سختې ځپلې شوي او مونږ په دې پوهېږو چې زياتره پرمختګ كوٶنكي هېوادونه هم دا ډول صورتحال سره مخ دي۔ ده ووئيل په دې نازك پراؤ كښې پرمختګ كوٶنكي هېوادونه د خپل اولس حالت ښه كولو لپاره هڅې كوي ، كله چې ما د ایتھوپیا وزیراعظم او د مصر اولس مشر او د نائیجیریا وزیراعظم سره خبرې وكړې نو ھغوي هم ووئيل مونږهم دا ډول مسئلو سره مخ يو۔ وزیراعظم ووئيل زه په دې موقع د جی 20 هېوادونو لخوا په قرض كښې د ريليف د اقدام هركلے كوم۔ عمران خان ووئيل په دې معامله كښې د زيات غور او فكر ضرورت دے چې د پرمختګ كوٶنكو هېوادونو مرسته دې وكړې شي ځكه چې زه يرېږم چې خطر زمونږ د اندازې نه زيات رامخې ته كېدې شي ځكه چې د دې هېوادونو آبادي يو ارب 50 کروړه او د پرمختګ كوونكو هېوادونو ابادي 6 اربه ته نزدې ده۔ده ووئېل تر څو چې د دې نړيوالې مسئلې كوټلې او نړيوال مخ نيوي اونه كړې شي نو د نړۍ يوه لويه برخه به د غربت ښكار كېدو سره سره د كساد بازارۍ نه رابهر نه شي۔ وزیراعظم ووئيل زه د غونډې رابللو په دې عظيم اقدام د ملګرو ملتونو عمومي سېكتر ته مباركي وركوم ، د كاناډا وزیراعظم ټروډو او د جمیکا وزیراعظم ته هم وائيو چې په دې اقدام عملدرآمد لپاره هڅې وكړي ځكه چې دا زياته مهم كار دے ځكه چې نړۍ د كرونا وائرس څخه زياته ځپلې شوې او نړۍ له به دې ټولې مسئلې ته په نړيواله توګه كتنه پكار وي۔ وزيراعظم عمران خان ووئيل كه پرمختللې هېوادونه دې مسئلې ته په نړيواله توګه وګوري نو زه باور لرم چې مونږ ټول به د دې مشكل صورتحال نه خلاص شوو
د وزیراعظم عمران خان د کرونا وبا او د دې نه پس پرمختګ لپاره د سرمايه كارۍ په حقله انټرنېشنل ورچوئل غونډې ته وېنا
مضمون کا ماخذ : میگا ملینز
متعلقہ مضامین
