درگئی ۔20مارچ (اے پی پی) وزیراعظم عمران خان آکھ??ا جو تحریک انصاف دے ٻھجے ہوئے ارکان آپݨی جماعت اچ واپسی آونڄن تاں انہاں کوں معاف کر ݙیسوں۔ اگر او آپݨے فیصلے تے رہیے تاں آپݨا مستقبل تباہ کر ݙیسن۔ عوام انہاں کوں معاف نہ کریسی۔ کرپشن نال پیسے نال ضمیر گھنݨ آلے ترائیں غلاماں کوں ݙساوݨ چاہنداں جو عدم اعتماد تحریک اچ اساں جتسوں۔ قوم فیصلہ کرے جو حق تے باطل دے معرکے اچ اوں کئیں دے نال تھیوݨے، عوام دا پیسہ چوری کر تے حکومت بچاوݨ توں بہتر اے جو حکومت ونڄے پئی۔ اساں اقوام متحدہ اچ 15 مارچ کوں اسلاموفوبیا دے خلاف ݙینھ مناوݨ دی قرارداد دی منطوری نال مسلم امہ دا کیس جتیے، جنگ ہار تے معاشرہ کھڑا تھی ویندے پر اخلاقی تباہی نال ختم تھیندے۔ اتوار کوں درگئی اچ جلسہ عام توں خطاب کریندیں ہوئیں وزیراعظم آکھ??ا جو جنید اکبر کوں پنجوی سال تحریک انصاف دی نظریاتی جدوجہد اتے محنت تے خراج تحسین پیش کرینداں، بلدیاتی انتخاب اچ درگئی دے باشعور لوک پاکستان نال تھیسن، انہاں آکھ??ا جو قوماں دی زندگی اچ کݙاہیں فیصلہ کن ویلھا امدے جو انہاں دے سامھے ݙو رستے امدن، ہک پاسے ??لک دے نامور ݙاکو کھڑے تھی ڳئن اتے ݙوجھے پاسوں او لوک ہن جنہاں پنجوی سال انہاں دے خلاف جدوجہد کیتی اے۔ انہاں ݙاکواں چوری کر تے پیسہ نال اساݙے ایم این ایز دے ضمیر دی قیمت لاتی اے، انہاں کوں ڳھنݨ دی کوشش کریندے پئن، ضمیر ویچݨ آلے پیسے ڳھن تے آپݨا ملک، دین اتے ضمیر دا سودا کریندے۔ ??لک دی عدالتاں، الیکشن کمیشن اتے ??لک دا نینگر ݙیکھدا پئے، اڄ کل سوشل میڈیا دا دور اے، نینگر باشور اے، ساری قوم دے سامھے ضمیر دا سودا تھیندا پئے اتے اینکوں جمہوریت دا ناں ݙتا ویندے۔ اساں جمہوریت دا نظام برطانیہ توں ڳھدے، اتھاں کݙاہیں کوئی رکن ضمیر دا سودا نی کریندا، او مسلمان نی پر انہاں دے اقدار بلند ہن۔ اللہ ا??اکوں امربالمعروف و نہی عن المنکر دا حکم ݙتے، اگر معاشرے کوں بچاوݨے تاں نیکی نال کھرے تھیوݨے، انہوں مسلم لیگ (ن) آلیاں کوں مخاطب کر تے آکھ??ا جو تساں ݙو واری زرداری کوں جیل ا?? پاتے، جعلی اکاؤنٹس تے مقدمے ٻݨائے، پیپلز پارٹی نواز شریف دے خلاف کیسز ٻݨائے، انہاں چوراں ہک ݙوجھے دے خلاف کیس ٻݨائے، زرداری دا پیٹ پھاڑ تے چوری دے پیسے شہباز شریف کݙھݨے ہن، فضل الرحمان کوں ڈیزل دا خطاب ہک کرپٹ ن لیگی ݙتا ہئی۔ وزیراعظم آکھ??ا جیڑھے ایم این ایز کوں کروڑاں روپے ݙے تے ڳھنݨ دی کوشش کریندے پئ?? پارٹی سربراہ باپ وانڳوں ہوندے، ہݨ چھانگا مانگا دے ݙینھ ڳئے، ہݨ لوکاں اچ شعور آڳئے، ٻال ٻال تساں توں واقف اے، انہاں کوں پتہ اے جو تساں پیسے ڳھن تے وفاداریاں بدلدے پیوں۔ جیڑھا وی اساݙے خلاف ووٹ پیسی او پیسے ڳھن تے ووٹ پیسی۔ تساݙے ناں نال ہمیشہ ضمیر فروش لکھیا ویسی۔ تساݙا سماجی بائیکاٹ تھیسی۔ عوام تساں کوں معاف کائنا کریسن۔ انہاں آکھ??ا جو پاکستان امریکہ دی جنگ اچ شرکت کیتی اتےاسی ہزار ڈالر توں ودھ پاکستانی شہید تھیے، سو ارب ڈالر توں ودھ دا معاشی ضیان تھیا، قبائلی علاقے تباہ تھیے۔ وزیراعظم آکھ??ا جو اساں امن اچ امریکا دے نال ہوسوں پر جنگ اچ کائنا۔
تحریک انصاف دے ٻھجے ہوئے ارکان آپݨی جماعت اچ واپسی آونڄن تاں انہاں کوں معاف کر ݙیسوں، وزیراعظم عمران خان دا درگئی اچ جلسہ عام توں خطاب
مضمون کا ماخذ : números sorteados lotomania
متعلقہ مضامین
