ڈیرہ اسماعیل خان ۔ 17 مئی (اے پی پی) وزیراعظم محمد نواز شریف آکھیا ہے جو اساڈے مخالفین دے نصیب اچ دھرنے ہن ،او دھرنے ڈیندے رہسن جڈاں جو اساں ملکی ترقی دا سفر جاری رکھیسوں تبدیلی دے دعوے کر??ڑ آلے نواں خیبر پختونخوا نی بنڑا سگیے او نواں پاکستان کیابنڑیسن ،2018تئیں لوڈشیڈنگ مک ویسی۔ وزیراعظم زرعی یونیورسٹی دے قیام، 50کروڑ روپے دے ترقیاتی فنڈز، چشمہ رائٹ بینک کینال منصوبے سانگے 120ارب روپے دے علاوہ ٹانک ز??م ڈیم دی فزیبلٹی سٹڈی سانگے 8کروڑ روپے دا اعلان کیتا ۔ڈیرہ اسماعیل خان ائرپورٹ توں اے ٹی آر جہازاں دی مقامی اتے بین الاقوامی پروازاںسانگے سول ایوی ایشن کوںکم شروع کر نڑ دی ہدایت کیتی ۔ او ڈیرہ اسماعیل خان اچ گیس دی فراہمی دے منصوبے دامنڈھ بدھنڑ دے بعد عوامی کٹھ نال خطاب کریندے پے ہن ۔ایں موقع تے گورنر خیبرپختونخوا اقبال ظفر جھگڑا، جے یو آئی (ف) دے امیر مولانا فضل الرحمن، وفاقی وزیر ہاﺅسنگ اکرم خان درانی اتے اعلیٰ حکام دے علاوہ پاکستان مسلم لیگ (ن) اتے جے یو آئی (ف) دے کارکناں دی وڈی تعداد موجود ہئی۔ وزیراعظم آکھیا جو انہاں دا دل چاہندے جو ڈیرہ اسماعیل خان ونجن اتے اتھاں دے لوکاں سانگے کجھ کر تے آون ،اج او زبانی اعلان کر??ڑ سانگے نی بلکہ عملی کم کر??ڑ سانگے اتھاں آئے ہن ۔وزیرا ع??م ڈیرہ اسماعیل خان اچ گیس دی فراہمی دے منصوبے دا منڈھ بدھ ڈتے جیں نال علاقے دے لکھاں عوام کوں فائدہ تھیسی ۔اقتصادی راہداری وی ڈیرہ اسماعیل خان توں گزردی پی ہے بہوں وختی ریلوے لائن وی اتھوں گزر سی۔ ہکلہ توں ڈیرہ اسماعیل خان اتے ولاں ڈیرہ توں ژوب تئیں موٹر وے ویسی ایندے تے ارباں روہپے خرچ تھیسن اے منصوبے ملک دی تقدیر بدلنڑ دے منصوبے ہن ۔وزیراعظم آکھیا جو انہاں دے مخالفاں بنوں دے جلسے اچ انہاں ترائے سوال کیتے ہن جنہاں د ا انہاں کوں نفی اچ جواب ملیا ۔انہاں آکھیا جو اتھاں اپنڑے مخالفاں دی گالھ کر??ڑ نی آیا۔انہاں آکھیا جو پشاور دے اجوکے ضمنی الیکشن اچ او ہر گے ہن ،پی ٹی آئی چوتھے نمبر تے آئی ہے ۔انہاں آکھیا جو مسلم لیگ (ن) لاہور ملتان اتے راولپنڈی اچ میٹرو بس سروس شروع کیتی اتے او پشاور جیہے وڈے شہر اچ وی ایجھا منصوبہ نی بنڑا سگےے،پشاور دے لوک وی جانڑ گئن جو اے کوئی نواں پاکستان کائنی بنڑےندے پئن ،2018ءدے انتخابات اچ کے پی کے انہاں ڈے کائنا رہسی۔وزیر اعظم آکھیا جو او خود مولانا فضل الرحمن اتے انہاں دی جماعت دے شکر گزار ہن جنہاں اصولاں تے انہاں دا ساتھ ڈتے۔انشاءاللہ جت اس??ڈی ہوسی اتے اساں سرخرو تھیسوں۔انہاں آکھیا جو اج اساں ہک نویں پارٹنر شپ بنڑدی پئی اے جیڑھی جو پاکستان دی ترقی اتے خوشحالی سانگے کم کریسی اتے اے پارٹنر شپ دیر پا ہوسی۔مسلم لیگ (ن) اتے جمعیت علمائے اسلام رل تے نواں پاکستان بنڑیسن۔وزیر اعظم ایں موقع تے ڈی آئی خ??ن اچ زرعی یونیورسٹی بنڑاونڑ اتے پنجاہ کر??ڑ روپے دے ترقیاتی فنڈز دا اعلان کیتا۔انہاں آکھیا جو ڈی آئی خ??ن اچ انٹرنیشنل ایئرپورٹ بنڑنڑ دا انتظار کائنا کیتا ویسی ایں بارے سول ایوی ایشن اتھارٹی اتے پی آئی اے کوں ہداےت کرینداں جو او ڈی آئی خ??ن ایئرپورٹ توں اے ٹی آر طیاریاں دی مقامی اتے بین الاقوامی پروازاں شروع کر??ڑ دا انتظام کر?? تانجو علاقے دے لوکاں کوں فضائی سہولتاں مل سگن ۔وزیر اع??م ڈیرہ اسماعیل خان اچ گیس ڈیونڑ دے منصوبیاں سانگے 77کروڑ روپے ڈیونڑ دا اعلان وی کیتا۔انہاں چشمہ رائٹ بینک کینال منصوبہ سانگے 120ارب روپے دا اعلان کریندیں ہوئیں آکھیا جو اے بہوں اہمےت رکھیدنے ،ایں منصوبے دی لاگت دا65فیصد وفاقی حکومت اتے 35فیصد صوبائی حکومت ڈیسی۔انہاں ٹانک ز??م ڈیم دی فزیبیلٹی سٹڈی سانگے 8کروڑ روپے مختص کر??ڑ دا اعلان کیتا اتے آکھیا جو ڈی آئی خ??ن کوں سیلاب توں بچاونڑ سانگے حفاظتی بند دی فزیبیلٹی سٹڈی تے وی کم شروع کیتا ویسی۔وزیر اعظم آکھیا جو علاقے اچ سڑکاں بنڑاونڑ اتے گیس ڈیونڑ دے نال نال بجلی وی ڈتی ویسی اتے 2018ءتئیں لوڈشیڈنگ مک ویسی۔
وزیر اعظم نواز شریف دا ڈیرہ اسماعیل خان اچ گیس دی فراہمی دے منصوبے دا منڈھ بدھنڑ دی تقریب دے موقع تے عوام کٹھ توں خطاب
مضمون کا ماخذ : کمپیوٹر لاٹری کا ٹکٹ
متعلقہ مضامین
