اسلام آباد۔18مارچ (اے پی پی):وزیر ممل??ت اطلاعات و نشریات فرخ حبیب آکھیے جو سندھ ہاؤس کوں نیلام گھر بݨایا ڳئے ،مسٹر فراڈیئے جمع ہن، چوری لٹ مار دا پیسہ انہاں لوکاں کنے ہئی ،سینٹ الیکشن اچ ارکان قومی اسمبلی دے ضمیر مل ڳھدے ویندے پئن ، ویڈیو وی موجود اے، الیکشن ایکٹ واضح اے جو کہیں ووٹر کوں پیسے دے ذریعے مل نی گھن سڳدے ، الیکشن ک??یشن ک??ے موقع آڳے جو جو او اینکوں مکاوے ، اے ڳالھ وزیر ممل??ت اطلاعات و نشریات فرخ حبیب جمعے کوں الیکشن ک??یشن دے ٻاہروں وفاقی پارلیمانی سیکرٹری قانون و انصاف ملیکہ بخاری دے رلے میڈیا نال ڳالھ مہاڑ کریندے ہوئیں آکھی اے ۔فرخ حبیب آکھیے جو این ایف سی دی مد اچ سندھ حکومت 2000ارب گھن ڳئی لیکن کتھاں استعمال تھئے ایندا پتہ کائنی ، جیڑھے کونسلر نہ بݨ س??دے ہن او ٹکٹ کیتے عمران خان دے پیریں اچ ٻیٹھے ہن ،الیکشن ک??یشن یوسف رضا گیلانی دے خلاف کیس دا وی فیصلہ کرے اتے ووٹ دی خرید و فرخت کوں جلدی روکے ، اساں ابیسلوٹلی ناٹ آکھ تے کوئی غلط نی کیتا ، ایندا خمیازہ بھڳتݨ کیتے تیار ہن،کپتان ڈٹ تے مقابلہ کریسن ،کہیں قسم دی بلیک میلنگ اچ نہ آسوں تے نہ ہی کمپرومائز کریسوں ،وزیر مملکت آکھیے جو اڄ سارے چور تے ھک پاسے عمران خان ڈٹ تے کھڑے ،جݙاں کوئی اتحاد بݨدے تاں ساریاں کوں رلے گھن تے ٹردے۔
سندھ ہاؤس کوں نیلام گھر بݨایا ڳئے ، الیکشن کمیشن یوسف رضا گیلانی دے خلاف کیس دا وی فیصلہ کرے، ، وزیر مملکت اطلاعات و نشریات فرخ حبیب
مضمون کا ماخذ : میگا ملینز لائیو ڈرا
متعلقہ مضامین
