لاهور۔8 اپرېل(اے پی پی)صدر ډاكټر عارف علوي وئيلي دي د كورونا وائرس په ضد جنګ زمونږ تر كورونو رارسېدلې۔ مونږ زده كړه كوؤ چې د دې مقابله به څنګه كول وي۔ هېواد سخت وخت څخه تېرېږي۔ د اولس ستونزې كمولو له وفاقي او صوبائي حكومتونه هڅې كوي۔ د پاك پروردګار شكر دے چې د خوراك په معامله كښې مونږ محفوظ يؤ۔ كورونا ريليف ټائيګر ډېر مهم دے۔ دا به د پاكستان ترقۍ پلو تګ وي۔ د دې خيالاتو څرګندونه ده د شورؤ په ورځ ګورنر هاؤس لاهور كښې د كورونا ريليف ټائيګر فورس بريفنګ په موقعه خپل خطاب كښې وكړه۔ ده ووئيل په اېمرجنسي كښې كه د خېر په جذبه بهر اوځو نو مونږ به د ترقۍ په لوري ګامونه اخلو۔ مونږ له به وړاندې تګ سره د اولس ستونزې لرې كول او د هېواد پرمختګ كښې مهم كردار ترسره كول وي۔ ده ووئيل پاكستان كښې كورونا څخه ساتنې له په هېلت سروسز كښې ډېر كار روان دے۔ كله چې مونږ دې كورونا څخه رابهر شؤ نو پاكستان كښې به هېلت سروسز ډېر ښه شوې وي او دا به هېواد مضبوط كړي۔ صدر ووئيل د جمعې لمونځ په اړه د پنجاب حكومت هدايات جاري كړي او مونږ له به پرې عملدرآمد كول وي۔ مونږ له به د دوا سره سره د پاك پروردګار څخه دعا هم غوښتل وي ولې چې په موجوده حالاتو كښې د استغفار وظيفه ډېره ضروري ده۔ صدر ووئيل په موجوده حالاتو كښې د ډاكټرانو ٬ پېرا مېډيكل عملې ٬ پوليس او د پاك پوځ كردار ډېر مهم دے چاچې په اولس ته د امنيت او روغتيا آسانۍ وركولو سره سره د دوئي شعور بېدارولو كښې هم مهم كردار ترسره كړې۔ ده ووئيل مونږ د ټولو ادارو مننه كوؤ كومو چې په سخت وخت كښې اولس ته ريليف وركړو۔ په دې مهال خپل خطاب كښې د پنجاب ګورنر چوهدري محمد سرور ووئيل زمونږ هڅه ده چې په سپېځلي ډول حق دارو ته راشن ورسول باوري كړې شي۔ ده ووئيل پنجاب كښې خلقو ته د مرستې سامان وركولو له مونږ سره د نادرا او بېنظير انكم سپورټ پروګرام په شمول د پي آئي ټي بي ډېټا هم موجود ده د كومې د لارې به چې 70 لکه كسانو سره د وفاقي حكومت او 25 لکه كسانو سره د پنجاب حكومت لخوا ريليف فنډز څخه مرسته كولې شي۔ ده ووئيل كورونا ټائيګر فورس كښې 14 څخه تر 15 لكه ځوانان رجسټرډ شوي۔ دوئي كښې زياتره ځوانان د كوم سياسي ګوند سره تعلق نه لري۔ ده ووئيل د وزیر اعظم عمران خان موټو غېر سياسي ده۔ هغه يوازې اولس ته آساني رسول غواړي۔ دې څخه وړاندې صدر ته د ټېلی مېډیسن هېلپ لائن په شمول د كورونا ټائيګر فورس په اړه بشپړ بريفنګ وركړے شو
د پاكستان صدر ډاكټر عارف علوي ګورنر هاؤس كښې د كورونا ريليف ټائيګر فورس بريفنګ په مهال خطاب
مضمون کا ماخذ : پاور بال آن لائن خریداری
متعلقہ مضامین
