لاهور 03 فروري (اے پي پي) وړومبۍ مېرمن بېګم ثمينه عارف علوي وئيلي دي د برېسټ کېنسر پحقله په پراخه كچه اولس كښې شعور بېدارول د وخت مهم ضرورت دے، پاکستان كښې د برېسټ كېنسر شمېره د نورو هېوادونو په مقابل كښې زياته ده، د برېسټ كېنسر لاره نيولو لپاره جامع لائحې ته اړتيا ده، په وخت تشخيص او درملنه د دې رنځ څخه د بچ كېدو ښه لاره ده، حکومت مېرمنې خود کفيله كولو لپاره ټول وسائل كاروي۔ وړومبۍ مېرمن د دې خيالاتو څرګندونه د نېشنل کالج آف آرټس او پنك ربن تر سېوري لاندې برېسټ كېنسر څخه د بچ كېدو په سرخط سېمينار ته د خاص مېلمنې په توګه خپلې وېنا كښې وكړه۔ بېګم ثمينه عارف علوي ووئيل د ټولنې د مهمې برخې په سبب صحت مندې مېرمنې د هېواد په ترقۍ كښې خپل كردار لوبولې شي٬ دې لپاره دې مېرمنې د برېسټ كېنسر غوندې مرګوني رنځ څخه تحفظ لپاره هره مياشت په باقاعدګۍ سره خپله معائنه كوي۔ دې ووئيل د 40 كالو نه كم عمره مېرمنې دې په باقاعدګۍ سره خپله معائنه خپله كوي او د دې نه زيات عمر مېرمنې دې هر كال مېمو ګرافي كوي۔ ثمينه عارف علوي زياته كړه چې اېن جي اوز، فلاحي تنظيمونه ، ډاکټرز، نرسيں، سول سوسائټي، روغتون او نورې ادارې د برېسټ كېنسر پحقله په هلو ځلو كښې مرسته كوي او زه خپله هم د دې كمپائن مشري كوم۔ دې په مېرمنو زور رواړو چې ھغوي په دې لړ كښې ټولنه حساس جوړولو لپاره خپل فعاله كردار ادا كړي او د برېسټ كېنسر پحقله شعور بېدارول يوازې د اكتوبر تر مياشتې نه محدود كوي بلكې دې لپاره ټول كال هڅې كول پكار دي۔ په دې موقع وړومبۍ مېرمن ثمينه عارف علوي د نېشنل کالج آف آرټس د انتطاميې په سېمينار كولو او مېرمنې د دې مرګونې رنځ څخه ساتلو لپاره د هڅو ستائنه وكړه۔ د دې نه وړاندې ثمينه عارف علوي د نېشنل کالج آف آرټس د ټولټن مارکيټ آرټ ګېلري دوره وكړه٬ د دې نه پس وړومبۍ ثمينه عارف علوي د کالج آف آرټس اينډ ډيزائن يونيورسټي آف پنجاب تر سېوري لاندې د عسكونو د نندارتون پرانسته وكړه او د آرټ ګېلري دوره ئې وكړه
د برېسټ کېنسر پحقله اولس كښې شعور بېدارول د وخت مهم ضرورت دے٬ پاکستان كښې د برېسټ كېنسر شمېره زياته ده۔ ثمينه عارف علوي
مضمون کا ماخذ : علاقائی کلیدی الفاظ
متعلقہ مضامین
