اسلام آباد۔13اکتوبر(اے پی پی) وفاقی وزیر اطلاعات، نشریات، قومی ورثہ و ثقافت عطاءاللہ تارڑ سی پیک کوں پورے خطے دی خوشحالی دا م??صو??ہ قرار ݙیندے آکھیے سی پیک پاکستان تے چین دی ??ربت اتے مثالی دوستی دا منہ ٻولیندا ثبوت اے ، چین دا پاکستان دی ??عاشی بہتری اچ اہم کردار اے ، چنڳے برے ویلھے اچ چین ہمیشہ پاکستان دا ساتھ ݙتے، چینی وزیراعظم دا دورہ پاکستان انتہائی اہمیت رکھیندے ، پاکستان تے چین سی پیک دے ݙوجھے مرحلے دا آغاز کرݨ ویندے پئن ، سی پیک ٹو م??صو??ہ پاکستان اتے خطے سانڳے گیم چینجر ثابت تھیسی ، اتھاں چائنہ چیمبر آف کامرس دے زیر اہتمام منعقدہ تقریب توں خطاب کریندے وفاقی وزیر اطلاعات آکھیے پاکستان تے چین دی دوستی ݙکھایں تے محیط اے جیڑھی نسل در نسل اڳوں ودھدی ??ئی اے ݙوہیں ملکاں دے عوام دا ھک ݙوجھے نال جذباتی لگائواے۔ ݙوہیں ملک پکی یاری دے ڳانڈھے اچ ڳھنڈیے پئن ، انھاں آکھیے جݙاں اساکوں بدترین توانائی دا بحران ہئی تاں چین پاکستان دے توانائی دے شعبہ اچ ری سٹرکچرنگ اچ ساݙی مدد کیتی ، 2013ءاچ 8 توں 19 گھنٹے دی ??وڈ شیڈنگ تھیندی ??ئی ہئی جیں پاروں اساکوں سالانہ 500 ارب روپے دا معاشی ضیان تھیندا پیا ہئی اے بدترین صورتحال ہئی، انڈسٹریز بند تھیندیاں پیاں ہن ، گھریلو صارفین لوڈ شیڈنگ توں ٻہوں متاثر تھیندے پئے ہن بجلی دے توانائی بحران نال نبݨݨ سانڳے اساکوں وختی بجلی دے پیداواری م??صو??ے لاوݨ دی ??وڑھ ہئی ، چین دے ون بیلٹ ون روڈ انیشی ایٹو دے تحت بجلی دے کئی پیداواری م??صو??ے لاتے ڳئے ، ساہیوال کول پاور، تھرکول، کراچی پورٹ انرجی پراجیکٹ شروع کیتا ڳیا ۔ انھاں آکھیے سی پیک تے نان سی پیک توانائی دے م??صو??یں توں توانائی دے بحران تے قابو پاوݨ اچ مدد ملی جیں پاروں اساں 2018ء اچ زیرو لوڈ شیڈنگ چھوڑ تے ڳئے۔ 2013ء توں 2018ءتئیں کامیابیاں دا سفر جاری ہئی۔ پاکستان دی ??عاشی بہتری اچ چین دا اہم کردار رہیے 2018ءاچ شرح نمو 5.8 فیصد ہئی، مہانگ 4 دی شرح فیصد تے ہئی ، اڄ ھک واری ول مہانگ 6.9 فیصد تے آڳئی اے ، پالیسی ریٹ گھٹ ڳعے ، انھاں آکھیے چینی قیادت، چینی سفیر تے چینی کمپنیاں دے شکر گزار ہیسے جنہان پاکستان نال تکڑے سٹریٹجک پارٹنر شپ دے ذریعے توانائی دے بحران تے قابو پاوݨ تے پاکستان دی ??عاشی ترقی اچ اہم کردار نبھائے ، پاکستان چینی کمپنیاں کوں بہترین انڈسٹریل زونز ݙے سڳدے ِ او اتھاں گھٹ پیداواری لاگت توں فیدہ چاسڳدن تے آپݨی مصنوعات پاکستان توں ٻئے ملکاں کوں درآمد کر سڳدن ۔ وفاقی وزیر آکھیے 11 سال بعد چین دا کوئی وزیراعظم پاکستان دا دورہ کریندا پئے جیڑھا نہ صرف پاکستان بلکہ پاکستان دے عوام سانڳے خوشی دی ڳ??لھ اے، چینی وزیراعظم لی چیانگ دا دورہ پاکستان ٻہوں اہمیت رکھیندے ݙوہیں ملک سی پیک دے اڳلے مرحلے کوں شروع کرݨ ویندے پئن ، سی پیک ٹو م??صو??ہ پاکستان تے خطے سانڳے گیم چینجر ہوسی ، پاک چین دوستی ساݙے دل دے ٻہوں نیڑے ہے ݙوہیں ملکاں دے عوام تے خطے دی خوشحالی ساݙا سانجھا مقصد اے ، سی پیک ݙوہیں ملکاں دی ??ربت تےمثالی دوستی دا منہ ٻولیندا ثبوت اے سی پیک پاکستان تے چین دی ہی نی بلکہ پورے خطے دی خوشحالی دا م??صو??ہ اے۔
