اسلام آباد 06 جنوری (اے پی پی) د قامي اسمبلۍ سپیكر اسد قیصر وئيلي دي په سختو حالاتو كښې مقابله كولو لپاره د پارلمان كردار مهم دے، وخت راغلے چې مونږ اولس سره په شوو لوظونو عملدرآمد كولو له ټول وسائل پكار راولو، د قامي اسمبلۍ غونډې رابللو له اپوزیشن ګوندونو سره به د مشاورت عمل مخ په وړاندې بوتللے شي۔ده د شورو په ورځ سپیكر هائوس كښې د حكومتې لارښودو د غونډې مشري كوله۔ په غونډه كښې وفاقی وزيرانو پرویز خټك، شاه محمود قریشی، اسد عمر او شفقت محمود پشمول د حكمران ګوند په قامی اسمبلۍ كښې چیف وهپ ملك عامر ډوګر ، وزير مملكت علی محمد خان او د وزیراعظم د پارلماني چارو صلاحكار ډاكټر بابر اعوان هم ګډون وكړو۔ په غونډه كښې د پارلمانی چارو پشمول د هېواد په سیاسی، معاشي او د كورونا په وضعه د چارو د خيالاتو څرګندونه وشوه۔ په غونډه كښې د قامي اسمبلۍ غونډې رابللو او د اپوزیشن ګوندونو پارلماني لارښودو سره په مشاورت هم غور وشو۔په دې موقع د قامي اسمبلۍ سپیكر ووئيل اوس وخت راغلے چې اولس سره په شوو لوظونو عملدرآمد كولو له ټول ممكن وسائل وكاروو ځكه چې د سختو حالاتو مقابله كولو له د پارلمان كردار مهم دے۔ده ووئيل د كورونا دويمې چپې په مهال پارلمان ښه كردار ترسره كړے ۔ وفاقی وزيران دې د وزیراعظم عمران خان سره ملاقات وكړي او دغې نه پس به د قامی اسمبلۍ غونډې رابللو په اړه حتمی پريكړه كولې شي۔
د سختو حالاتو مقابله كولو لپاره د پارلمان مهم كردار مهم دے ، د قامی اسمبلۍ سپیكر اسد قیصر
مضمون کا ماخذ : apostas lotofácil
متعلقہ مضامین
