اسلام آباد 07 ستمبر (اے پي پي)د خزانې وفاقي وزير مفتاح اسماعيل وئېلي دي عمران خان دې قام ته ځواب وركړي چې عثمان بزدار٬محمود خان٬مراد سعيد او شهريار آفريدي لګولو لپاره يې د مېرټ كوم معيار ټاكلے ؤ ٬د فرح خان او خاور مانيكا د كرپشن علم آيا عمران خان ته نه ؤ ٬يو خوا د امريكې په ضد كمپائن وچلولے شو او بل خوا د امريكې ملاتړ ترلاسه كولو لپاره د 55 لكه روپۍ د مياشتې په عوض د لابنګ فرم خذمات ترلاسه كړے شول٬دا دوه مخيزي ده۔ګرانه برېښنا د پي ټي آئي ډالۍ ده٬د اكتوبر څخه به په ګرانۍ او د برېښنا په بيعو كښې كمے راشي۔د شورو په ورځ د دفاع وزير خواجه محمد آصف سره خبري كنفرنس ته د وېنا كولو په مهال د خزانې وفاقي وزير مفتاح اسماعيل ووئيل عمران خان تل د مېرټ خبرې كوي هغه دې ځواب وركړي چې د عثمان بزدار ټاكنه په مېرټ شوې وه٬محمود خان په مېرټ وزيراعلٰی جوړ شوے٬د مراد سعيد ټاكنه په مېرټ شوې وه آيا شهريار آفريدي په مېرټ وزير جوړ شوے ؤ ٬ فرح خان به د ډپټي كمشنرانو تبادلې په مېرټ كولې٬آيا عمران خان ته ايجنسو د فرح ګوګي د كرپشن په اړه نه و وئېلې۔كه عمران خان نه غوښتل نو فرح خان كرپشن او ټرانسفر او پوسټنګ كولې شو٬ عمران خان ته به د دې پوښتنو ځواب وركول وي۔ده ووئيل دا پوښتنه هم ده چې خاور مانيكا او د هغه زامنو به په كوم حېثيت د اسسټنټ كمشنرانو او ډپټي كمشنرانو تبادلې كولې٬د كوم ډي پي او تبادلې لپاره به د وزيراعظم د دفتر څخه ټېليفون راتللو٬د خاور مانيكا او د هغه د زامنو په خوښه به د زمكو انتقال كېدو۔د خزانې وزير ووئيل په لاهور كښې د 27 ارب روپو په لګښت 29 كلوميټره ميټرو ترسره شوې خو د دې په ضد په پېښور كښې بي آر ټي د 105 ارب روپو په لګښت جوړه كړې شوې۔ده ووئيل اقتدار ته د راتللو نه وړاندې به عمران خان وئېل چې هغه به ځان وژني خو آئي اېم اېف ته به نه ځي٬خان صېب خو ځان ونه وژلو خو د كووېډ 19 نه پس تېر كال په نومبر كښې د آئي اېم اېف سره نوې لوظ نامه وكړه چې پكښې لوظ شوے چې په برېښنا به سبسډي نه وركوو ٬په پیټرول او ډيزل به 17 فيصده سيلز ټېكس او 30 روپۍ ليوي لګولې شي٬په فرورۍ كښې چې كله هغه ته د رخصتۍ يقين وشو نو آئي اېم اېف سره يې كړی لوظونه مات كړل۔ده ووئيل د اكتوبر څخه به په ګرانۍ كښې كمے راشي٬په دې لړ كښې وزيراعظم ته پريذنيټېشن وركوم۔نن به د آئي اېم اېف چارواكو سره په وېډيو كال خبره كېږي۔پاكستان نړيوال بانك او آسيائي پرمختيائي بانك سره په ګډه د سېلاب زيان حتمي اندازه لګوي۔نن ماښام يا تر سبا به د خزانې وزارت په دې لړ كښې رپورټ جاري كړي۔د يوې پوښتنې په ځواب كښې ده ووئيل چ د افغانستان او چين څخه پياز٬ټماټر او نورې سبزيانې راځي۔آپټما او ځينې نړيوالو ادارو د هند څخه د پومبې درآمد كولو تجويز وركړے ؤ خو لا په دې لړ كښې كومه پريكړه نه ده شوې
عمران خان دې قام ته ځواب وركړي چې عثمان بزدار٬محمود خان٬مراد سعيد او شهريار آفريدي لګولو لپاره يې د مېرټ كوم معيار ټاكلے ؤ ۔د خزانې وفاقي وزير مفتاح اسماعيل
مضمون کا ماخذ : آن لائن لاٹری ویب سائٹ
متعلقہ مضامین
