اسلام آباد۔17نومبر(اے پی پی) وفاقی وزیر تعلیم و پیشہ ورانہ تربیت خالد مقبول صدیقی آکھیے پاکستان دی ترقی دا واحد رستہ تعلیم اے، تعلیم نہ صرف ویلھے دی لوڑھ اے بلکہ ساݙے دین دا پہلا حکم وی اے۔اے ڳالھ انھاں کراچی اچ علامہ ??قب??ل اوپن یونیورسٹی دے سندھ چیپٹردے کانووکیشن توں بطور مہمان خصوصی خطاب کریندے آکھی ۔ وفاقی وزیر اتے علامہ ??قب??ل اوپن یونیورسٹی دے و??ئس چانسلر ایم ایس، ایم فل اتے پی ایچ ڈی دے طالبیں اچ ڈگریاں تقسیم کیتیاں جنہاں اچ چنڳی کارکردگی ݙکھالݨ آلے طالبیں کوں گولڈ میڈل ݙتے ڳئن ۔اے ڳالھ قابل ذکر اے جو گریج??یٹ طالبیں اچ زیادہ تعداد طالبات دی ہئی۔وفاقی وریز تعلیم آکھیے تکھی رفتار دنیا سارا کجھ بدال تے رکھ ݙتے جے کوئی نی بدلیا تاں او جیں خود کوں بدلݨ دا ارادہ وی نہ کیتا ہووے تے جیڑھا خود کوں بدلݨ دی کوشش نی کریندا ۔ انھاں آکھیےپاکستان دی آبادی دا 65فیصد نینگراں دا ہے ، تقریبا18کروڑ نینگراں دی طاقت ایں پاکستان نال اے ،اے نینگر اساں کیتے ھک موقع وی ہے تے ھک چیلنج وی ۔ انھاں نینگراں تے زور ݙتے جو او خود کوں ڈیجٹل دنیا تے مصنوعی ذہانت نال روشناس کراون، زمانے کدی رفتار نال قدم رلا تے ٹرن تاں جو ملک دی ترقی اچ کردار نبھا سڳن ۔ ایں موقع تے خطاب کریندے ڈاکٹر ناصر محمود آکھیے صوبہ سندھ اچ یونیورسٹی دے 10علاقائی کیمپس ہن جنہاں اچ تقریبا44ہزار طالب تعلیم گھندے پئن ، یونیورسٹی توں اڄ تئیں گھٹ ودھ 50لکھ طلبہ گریج??یٹ تھی چکئن اساں وݙے یقین نال آکھدوں جو پاکستان دا کوئی گھر ایجھا کائنی جیں اچ علامہ ??قب??ل اوپن یونیورسٹی دا طالب علم یا گریج??یٹ نہ ہووے۔ علامہ ??قب??ل اوپن یونیورسٹی دا تعلیمی دائرہ ہݨ پاکستان تئیں محدود کائنی بلکہ دنیا دے 36ملکاں توں انٹرنیشنل طلبہ پاکستان دی ایں وݙی جامعہ توں تعلیم گھندے پئن ڈاکٹر ناصر محمود گریج??یٹ ہووݨ آلے طالبیں کوں مبارخ ݙیندے آکھیے اے یونیورسٹی تساݙی اے تے تساں ساݙا ماݨ ہیوے آؤ ملک دی ترقی اچ آپݨا حصہ پاؤں۔
.jpg)
