اسلام آباد۔21نومبر(اے پی پی) وزیراعظم محمد شہباز شریف آکھیے ایف بی آر اچ اصلاحات دے مثبت نتیجے برآمد تھیندے پئن، عوام دے ٹیکس تے ڈاکہ پاوݨ آلیں دے خلاف شکنجہ مضبوط کیتا ویسی، ٹیکس بیس اچ ودھارے سانڳے حکومت ترجیحی بنیاداں تے اقدامات کریندی پئی اے ۔ اے ڳالھ انھاں ایف بی آر ??ے سینئر افسر نال ڳالھ مہاڑ کریندے آکھی جنہاں وزیراعظم ہائوس اچ انھاں نال ملاقات کیتی ۔ وزیراعظم آفس دے میڈیا ونگ توں جاری بیان موجب ایف بی آر ??ے سینئر افسر اعجاز حسین کھرباں روپے ??ے سیلز ٹیکس فراڈ دی ??وشش دی وختی نشاندہی کریندے کارروائی کیتی۔ وزیراعظم اعجاز حسین دی فرض شناسی دی تعریف کریندے انھاں دی ایمانداری دے اعتراف اچ انھاں سانڳے 50 لکھ روپے انعام دا اعلان کیتا۔ وزیراعظم اعجاز حسین دی فرض شناسی تے انھاں کوں اعزازی شیلڈ وی پیش کیتی۔ وزیراعظم ایں موقع تے آکھئے جو پاکستان اچ فرض شناس افسراں تے آپݨے پیشے نال مخلص باصلاحیت لوکاں دی ??می کائنی ، لوڑھ ایں ڳالھ دی اے جو ایجھے ایماندار لوکاں دی حوصلہ افزائی کیتی ونڄے ۔ وزیراعظم ایف بی آر اصلاحات دے مثبت نتائج تے اطمین??ن دا اظہار کریندے آکھیے پاکست??ن دے غریب عوام دا ٹیکس چوری کرݨ تے انھاں دی معاونت کرݨ آلیں دی نشاندہی کرتے انہاں کوں سزا ݙیوائی ویسی ۔ غریب عوام دے ٹیکس تے ڈاکہ پاوݨ آلیں دے خلاف قانون دے شکنجے کوں مزید تکڑا کیتا ویسی ، انھاں آکھیے جو اعجاز حسین ایں احسن اقدام نال ملک و قوم دی خدمت کیتی جیڑھی تعریف دے قابل اے ۔ وزیراعظم ہدایت کیتی جو ایف بی آر ٹیکس فراڈ دی مذموم کوشش دی تفصیلی تحقیقات دے بعد ذمہ داران کوں قانون دی ??چاری اچ گھن آوے ۔ انہاں ایف بی آر ٹیکس فراڈ اچ ملوث عناصر اتے انھاں دی معاونت کرݨ آلیں کوں سزا ݙیواوݨ سانڳے بہترین قانونی ٹیم دی خدما?? گھنݨ دی ہدایت وی کیتی ۔ وزیراعظم کوں ݙسایا ڳئے سیلز ٹیکس چوری سانڳے 80 سال دی تریمت دے کوائف استعمال کیتے ڳئن ، 4 مارچ 2024 کوں ایف بی آر ??ے سینئر افسر اعجاز حسین ٹیکس فراڈ دی ایں کوشش دی نشاندہی کیتی، سیلز ٹیکس فراڈ دی ایں کوشش اچ ابتدائی طورتے 37 کروڑ منتقل وی تھئن جیں دی ریکوری دا عمل جاری اے۔ وزیراعظم کوں ݙسیا ڳئے جو ٹیکس فراڈ دی ??وشش اچ ملوث مرکزی ملزم گرفتار کیتا ڳئے ۔ وزیراعظم حکم ݙتے تفصیلی تحقیقات دے بعد ٹیکس فراڈ دی ??وشش اچ مبینہ معاونت کرݨ آلے ایف بی آر دے حکام دی نشاندہی کرتے انہاں کوں وی قرار واقعی سزا ݙیوائی ونڄے وزیراعظم آکھئے ملکی معیشت دی ترقی سانڳے ٹیکس بیس اچ ودھارے دے حوالے نال ترجیحی بنیاداں تے اقدامات کریندے پیوں ، ایف بی آر دی اصلاحات اتے مکمل ڈیجیٹائزیشن نال مستقبل اچ وی ایں قسم دیاں کاروائیاں رک سڳسن۔
وزیراعظم شہباز شریف دا کھرباں روپے دے ٹیکس فراڈ دی نشاندہی کرݨ آلے افسر اعجاز حسین سانڳے 50 لکھ روپے انعام دا اعلان، فراڈ اچ معاونت کرݨ آلے ایف بی آر حکام دے خلاف کارروائی دی ہدایت
مضمون کا ماخذ : بونانزا
متعلقہ مضامین
