اسلام آباد۔20نومبر(اے پی پی) وفاقی وزیر تجارت جام کمال خان آکھیے پاکستان تے ترکیہ دے تاریخی اتے ثقافتی تعلقات مثالی ہن،ترکیہ دفاعی اتے صنعتی شعبے اچ پاکستان دی خود انحصاری اچ اہم کردار نبھیندا پئے ۔ اے ڳالھ انھاں آپݨے دفتر اچ ترکیہ دے معروف صنعت کار تے چیئرمین بورڈ آف کارڈیمر اس??اعیل دمیر کوں ملاقات اچ آکھی ۔ ملاقات اچ ݙوپاسے تجارت اتے سرمایہ کاری ودھاوݨ تے ڳالھ مہاڑ کیتی ڳئی ۔ملاقات اچ سٹیل دی صنعت اچ پائیدار طریقے تے جدید ٹیکنالوجی دے ودھارے تے ڳالھ مہاڑ کیتی ڳئی ۔ وفاقی وزیر تجا??ت آکھیے ݙوہیں ملکاں وچال تجارتی حجم ودھاوݨ دی گنجائش موجود اے ݙو پاسے تجارت ??وں ودھارا ݙتا ویسی جیں سانڳے جامع حکمت عملی تے کم تھیندا پئے ، ترکیہ تے پاکستانی سٹیل صنعتاں وچال مضبوط شراکت ??اری دی لوڑھ اے ۔ترکیہ دے صنعت کار پروفیسر ڈاکٹر اس??اعیل دمیر پاکستانی مہمان نوازی دی تعریف کیتی تے ݙو پاسے تعاون جاری رکھݨ دا عزم وی کیتے۔
