اسلام آباد 22 جنوري (اے پي پي) خارجه وزير مخدوم شاه محمود قريشي وئيلي دي پاکستان د امريكې نوي ټاكلي قيادت سره د نزدې رابطې لرلو خوښي لري، د امريکې او چين ترمينځه د مصالحت کردار ترسره كولو له چمتو يو،پاکستان دا ډول کردار 1972 كښې هم ترسره كړے ؤ، افغان امن عمل په اړه د امريكې نوي قيادت سره په ګډه كار كولو له خوښي لرو۔ د جمعې په ورځ خارجه وزير الجزيره ټي وي سره مركه كښې ووئيل پاکستان د امريکې نوي ټاكلې قيادت جوبائيډن انتظاميې سره اړيكې لا ښه كولو له خوښي لري۔ خارجه وزير شاه محمود قريشي ووئيل افغان امن عمل په اړه د امريكې نوي قيادت سره په ګډه د كار کولو خوښي لرو، مونږ ګڼو چې افغانستان كښې كومه موقع ترلاسه شوې هغه محفوظولو ته اړټيا ده۔ده ووئيل د امريكې نوې ټاكلې انتظاميه بايد افغانستان كښې روان عمل مخ په وړاندې بوځي ۔ خارجه وزير ووئيل د ډېرې مودې پس مونږ په سم پلو روان يو، افغان عمل مخ په وړاندې بوتللو له به په زړه پورې كار كول وي۔اول نه تر اوسه چې كوم څه ترلاسه شوي هغه محفوظول او د هغه ځاے څخه وړاندې تللو ته اړتيا ده ۔ده ووئېل افغانستان كښې د تشدد په پېښو تشويش لرو ځكه چې دې سره صورتحال خرابيږي۔افغانستان كښې امن لپاره پاکستان په زړه پورې هڅې كړي۔خارجه وزير شاه محمود قريشي ووئيل افغان امن عمل لپاره ښه چاپيرچل جوړولو كښې سخت مراحل ترسره شوي۔افغانستان كښې په تشدد مونږ تشويش لرو، مونږ محسوسوو چې دې سره دا چاپيرچل خرابيدې شي۔افغانستان كښې د تشدد ذمه وار ’خرابي‘ پيدا كوونكې عناصر دي، كومو چې وار اکانومي څخه ګټه پورته كړې۔خارجه وزير ووئيل افغانستان څخه بهر هم داسې عناصر په دې خرابۍ كښې شامل دي كوم چې زمونږ د امناكه ، مستحکم او سوكاله افغانستان د جوړولو سوچ مرستياله نه دي،افغان امن عمل يوه شريكه ذمه واري ده خو د دې حتمي ذمه واري د افغان قيادت ده ۔ده ووئېل دا د هغوي هېواد دے، د هغوي سباؤن دې سره تړلے دے ۔ خارجه وزير مخدوم شاه محمود قريشي ووئيل بايد د ټولو د ګټې مرسته وكړې شي۔زمونږ سوچ او اهداف د امريكې نوې ټاكلې انتظاميې ترجيحات له مخې دي كوم چې بايد مخ په وړاندې بوتللې شي۔ شاه محمود قريشي ووئيل بايد امريکا سي پيك كښې هم شامله شي، مسابقت او په دې كښې سرمايه کاري وكړي۔خارجه وزير ووئيل پاکستان د امريکې او چين ترمينځه مصالحت کردار ترسره كولو له چمتو دے،پاکستان داسې كردار په 1972 كښې هم ترسره كړے ؤ۔ ده ووئېل پاکستان هغه وخت د امريکې صدر رچرډ نکسن د بيجنګ دورې له تاريخي خبرو اترو لپاره لاره سمه كړې وه ۔ خارجه وزير ووئيل پاکستان په تاريخي توګه د دواړه هېوادونو ترمينځه د رابطو امکانات پيدا کړي وؤ ، اوې د بدلون په دې فضاء كښې پاکستان د پل کردار ترسره كولې شي
پاکستان د امريكې نوي ټاكلې قيادت سره د نزدې رابطې لرلو خوښي لري،د خارجه وزير مخدوم شاه محمود قريشي الجزيره ټي وي سره مركه
مضمون کا ماخذ : quina resultados anteriores
متعلقہ مضامین
