اسلام آباد۔6نومبر (اے پی پی) وزیر اعظم محمد شہباز شریف چینی سفیر کوں کراچی اچ چینی شہریاں تے فائرنگ دے ذمہ داران کوں جلدی گرفتار ??ر تے انہاں کوں قرار واقع?? سزا ݙواوݨ دا یقین ݙویندیں ہوئیں آکھیا جو چینی شہریاں تے حملہ پاک چین برادرانہ تعلقات دا نقصان کرݨ دی کوشش اے، چینی شہریاں دی سکیورٹی حکومت دی پہلی ترجیح اے۔بدھ کوں وزیراعظم آفس دے پریس ونگ توں جاری بیان موجب وزیر اعظم محمد شہباز شریف اسلام آباد اچ چینی سفارتخانے ڳئے۔ انہاں چین دے پاکستان اچ سفیر جیانگ زائیڈونگ نال ملاقات کیتی۔ وزیراعظم گزریل ݙینھ کراچی اچ چینی شہریاں تے فائرنگ دے واقعے دی مذمت کیتی۔ وزیر اعظم چینی سفیر نال ڳالھ مہاڑ کریندیں ہوئیں آکھیا جو چینی شہریاں تے ایں حملے دی مذمت کرݨ اتے زخمیاں دی بیمار پرسی کیتے ملݨ آیاں۔ وزیراعظم چینی سفیر کوں ذمہ واراں کوں جلدی گرفتار ??ر تے قرار واقع?? سزا ݙواوݨ دا یقین ݙوایا۔ انہاں آکھیا جو زخمی چینی شہریاں کوں بہترین طبی سہولتاں ݙیوݨ دی ہدایت کیتی اے۔ وزیراعظم آکھیا جو اطمینان دی ڳالھ اے ??و واقعے اچ زخمی تھیوݨ آلے چینی شہریاں دی صحت بہتر تھیندی پئی اے۔ چین پاکستان دا پراݨا دوست اے، چینی شہریاں تے حملہ پاک چین برادرانہ تعلقات کوں نقصان پڄاوݨ دی کوشش اے۔ چینی سفیر وزیراعظم دی سفارتخانے آوݨ تے شکریہ ادا کیتا اتے امید ??یتی ??و وزیراعظم واقعے دے ذمہ واراں کوں جلدی کیفر کردار تئیں پڄاوݨ اچ کردار ادا کریسن۔ نائب وزیر اعظم تے وزیر خارجہ اسحاق ڈار، وزیر داخلہ محسن رضا نقوی اتے معاون خصوصی طارق فاطمی وی وزیراعظم نال ہن۔
چینی شہریاں تے حملہ پاک چین برادرانہ تعلقات دا نقصان کرݨ دی کوشش اے، چینی شہریاں دی سکیورٹی حکومت دی پہلی ترجیح اے، وزیر اعظم محمد شہباز شریف دی چینی سفارتخانہ آئے اتے سفیر جیانگ زائیڈونگ نال ملاقات
مضمون کا ماخذ : میگا ملینز آن لائن ٹکٹ
متعلقہ مضامین
