اسلام آباد۔20ستمبر(اے پ?? پی) سپیکر قومی اسمبلی سردار ایاز صادق شمالی تے جنوبی وزیرستان اچ سکیورٹی فورسز تے فتنہ الخوارج دے دہشتگرداں دی فائرنگ دی مذمت کریندے شہید تھیوݨ آلے سکیورٹی فورسز دے 7 نینگراں دے جانی ضیا?? تے ݙکھ تے افسوس کیتے ۔ شہداء دے گھر آلیں نال دلی تعزیت تے ہمدردی کریندے انھاں فتنہ الخوارج دے 12 دہشتگرداں کوں جہنم واصل کرݨ تے سکیورٹی فورسز کوں خراج تحسین پیش کیتا تے آکھیے خوارج ملک اتے انسانیت دے دشمن ہن۔خوارجی دہشتگرد اپݨی مذموم کارروائیاں توں ملک دا امن سبوتاژ کرݨ چاہندن ، ملک توں دہشتگری مکاوݨ سانڳے سکیورٹی فورسز لازو??ل قربانیاں پیش کیتن ، خوارجی دہشتگرداں دی مذموم کارروائیاں دہشتگردی دے خلاف ساݙے عزم کوں جِھکا نی کرسڳدیاں ، پوری قوم دہشتگردی دے خلاف جنگ اچ ھک مُٹھ اے ، قوم خوارجی دہشتگرداں دی سرکوبی سانڳے سکیورٹی فورسز دے رلے کھڑی اے، شہداء ساݙے حقیقی ہیروز ہن، انھاں دیاں قربانیاں ہمیشہ یاد رکھیاں ویسن۔ سپیکر اللہ تعالیٰ توں شہداء دے اُچے درجات تے ݙکھی خانداناں سانڳے صبر دی دعا منگی۔
