نیویارک۔27ستمبر(اے پی پی)وزیراعظم محمد شہبازشریف آکھیے جو اقوام متحدہ دیاں قرارداداں تے ??ملدرآمد نا تھیوݨ مشرق وسطیٰ کوں خطرے اچ سٹ ݙتے، غزہ اچ خونریزی تے چپ نئیں ریہا ونڄ سڳدا، مظالم روکݨے ہوسن، فلسطین کوں اقوام متحدہ دا مستقل رکن منیا ونڄے، کشمیریاں کوں وی بھارتی مظالم توں نجات ݙیوا تے ??ق خود ارادیت ݙیوݨا ہوسی، پاکستان اقوام متحدہ دے آصولاں دے مطابق ڄڳ نال رل تے کم کرݨ کوں ہر ویلھے تیار اے۔ وزیراعظم شہباز شریف اقوام متحدہ دی جنرل اسمبلی دے 79 ویں اجلاس نال خطاب کیتے ??تے ??پݨا خطاب تلاوت قرآن پاک نال کیتے۔ وزیراعظم اپݨے خطاب اچ کشمیر اتے فلسطین تنازعات، یوکرین دی جنگ، موسمیاتی تبدیلی دے مسئلے، ودھدی غربت اتے قرضیاں دے ٻھار سودھا کئی علاقائی و بین الاقوامی مسائل تے ??لائے۔ وزیراعظم جنرل اسمبلی دے صدر کوں انتخاب تے مبارک ݙتی اتے ??پݨے جنرل اسمبلی نال ݙوڄھی واری خطاب کوں اعزاز قرار ݙیندے آکھیے جو ساݙے بانی قائدِ اعظم محمد علی جناح 1947 اچ اعلان کیتا ھا جو ” اساں اقوام متحدہ دے منشور نال کھڑے ہیں اتے ڄڳ دے امن و خوشحالی کیتے ??پݨیاں مکمل خدمات ݙیسوں ” پاکستان ایں عزم کوں ہمیشہ برقرار رکھیے۔انہاں آکھیے جو اڄوکے حالات اچ ڄڳ دے نظام کوں کئی وݙے چیلنجز ہین، غزہ اچ اسرائیل دی نسل کشی دی جنگ، یوکرین اچ خطرناک تنازعہ، افریقہ و ایشیا اچ تباہ کن تنازعات؛ ودھدی جغرافیائی سیاسی کشیدگیاں، ولا اٻھردی دہشت گردی اتے ??ڳو تے ودھدی غربت، قرضیں دی دلدل اتے موسمیاتی تبدیلی دے ودھدے اثرات سامݨے کھڑن، ساکوں یک نویں سرد جنگ کھنݙدی ݙسدی اے۔ انہاں چیلنجاں دے ولدے اچ یو این سیکرٹری جنرل مستقبل دی کانفرنس دا مطالبہ کیتے ڄئیں پاروں مستقبل دے معاہدے اچ ترقی، امن و سلامتی، ٹیکنالوجی و عالمی حکمرانی تے 54 اقدامات منظور کیتے گئن۔ میں اڄ پاکستان دے عوام دا غزہ تے ݙکھ ݙساوݨ آیاں جو ساݙے دل رتو رت ہین، اساں مقدس سرزمین تے ??ھیوݨ آلے الم??ے کوں ساھندے پئے ہیں ڄیڑھا انسانیت دے ضمیر اتے ??یں ادارے دی بنیاد ہلا ݙیندے، 9. کیا ہم انسان اساں ایندے تے کیویں چپ رہ سڳدوں جو ٻال اپݨے تباہ شدہ گھراں دے ملبے ہیٹھ دٻیے ہوئن؟ اساں ٻالاں دے بے جان لاشے جھولی اچٌ چاتیاں ماواں دا ݙکھ ان ݙٹھا کر سڳدے ہیں؟ اے صرف ہک تنازعہ نئیں، اے معصوم لوکاں دا منظم قتل عام اے، انسانی زندگی اتے وقار تے ??ملہ اے، غزہ دے ٻالاں دا خون صرف ظالماں دے ہتھ داغدار نئیں کریندا ٻھل ایں تنازعے کوں ودھارا ݙیوݨ آلیاں دے ہتھ وی ان خون اچ رنگیے ہوئن۔ وزیر اعظم آکھیا ڄیکر اساں اے نا مکݨ آلے مظالم ان ݙٹھے کروں تاں اپݨی انسانیت کوں ھیݨا کرݙیسوں، ہݨ صرف مذمت کرݨ ٻہوں نئیں، ہݨ عمل دا ویلھا اے جو اساں اے خونریزی مکاوݨ دا مطالبہ کرو??، غزہ تے ??سرائیل دی جارحیت جاری اے جیندی مذمت کریندے ہی??، غزہ دے المناک سانحے انسانیت کوں ہلا تے ??کھ ݙتے، معصوم ٻالاں، تریمتیں، اتے ہتھو خالی شہریاں دے قتل تے چپ نئیں ریہا ونڄ سڳدا، نہتے فلسطینیاں دی رت نا ونڄیسی۔ وزیر اعظم آکھیے جو عالمی برادری کوں پائیدار امن اتے ݙو ریاستی حل کیتے ??ڳو آوݨا ہوسی، ساݙا مطالبہ اے جو فلسطین کوں اقوام متحدہ دا مستقل رکن منیا ونڄے، فلسطینی ریاست قائم کیتی ونڄے جیندا دارالحکومت بیت المقدس ہووے۔ انہاں آکھیا جو یو این قرار داداں تے ??ملدرآمد اچ ناکامی مشرق وسطیٰ کوں ٻئے خطریاں اچ سٹ ݙتے، اسرائیل کوں جارھیت ودھاوݨ دی کھ??ی چھٹی نئیں ݙویڄ سڳیندی۔ مسئلہ کشمیر تے ??لیندے وزیراعظم آکھیا جو مسئلہ کشمیر وی سلامتی کونسل دے ایجنڈے تے موجود اے، اے مُکیا ہئی جو کشمیریاں کوں حق خودارادیت ݙتا ویسی ڄیرھا انہاں کوں ضرور ملݨا چاہیدے، مقبوضہ کشمیر اچ بھارت دے ہتھو انسانی حقوق دیاں خلاف ورزیاں کیتاں وینداں پن، بھارتی جبر دے باوجود کشمیری برہان وانی دے نظریئے کوں ودھیندے پن، بھارت کشمیر اچ غیرمقامی لوکاں کوں آباد کریندا پئے، بھارت دے جارحانہ عزائم نال خطے دے امن کوں خطرات ہین، پاکستان کہیں وی بھارتی جارحیت دا تکڑا ولدا ݙیسی۔
وزیراعظم شہباز شریف دا اقوام متحدہ دیاں قرارداداں تے عمل نا تھیوݨ تے چنتا، غزہ اتے کشمیر اچ مظالم روکݨ دا مطالبہ، فلسطین کوں اقوام متحدہ دا مستقل رکن منیا ونڄے، کشمیریاں کوں حق خود ارادیت ݙیوݨا ہوسی، اقوام متحدہ دی جنرل اسمبلی دے 79 ویں اجلاس نال خطاب
مضمون کا ماخذ : میگا ملینز
متعلقہ مضامین
