اسلام آباد۔9مئی (اے پی پی):چیئرمین پاکستان علماء کونسل حافظ محمد طاہر محمود اشرفی آکھیے جو ملک اچ عدالتاں ہووݨ دے باوجود ڈاکٹر شیریں مزاری اقوام متحدہ کوں خط لکھیا، شیریں مزاری دا خط انہاں قوتاں کوں مضبوط کریسی جیڑھی جو پاکستان دے خلاف ہن، جنہاں مسیت نبوی دے تقدس کوں پامال کیتے انہاں چنڳاں کم نی کیتا ، بین المذاہب ہم آہنگی وطن دی لوڑھ اے ، نفرتاں کوں گھٹ کرو تے نینگر نسل اچ شدت پسندی مکاوݨ کیتے کردار ادا کرݨا چاہیدے۔ پریس کانفرنس توں خط??ب کریندے ہوئیں انہاں آکھیے جنہاں لوکاں مسیت نبوی دے تقدس کوں پامال کیتا انہاں چنڳاں کم نی کیا ، حرمین شریفین تے کوئی سمجھوتہ نی تھی سڳدا جیڑھا واقعہ تھئے ایندی مذمت ساریاں سیاسی جماعتاں کوں کرݨی چاہیدی اے، اساں صاف آکھدے پیوں جیں وی غلط کیتے او قابل مذمت اے۔ انہاں آکھیے اساں وختی آکھیے جو قانون توہین رسالت دا سیاسی استعمال ??ی ہووݨا چاہیدا ، وزیراعظم اتے وزیر داخلہ یقینی بݨایا جو ایں قانون دا غلط استعمال ??ہ تھیسی ، ایں حکومتی یقین ݙیواوݨ دے باوجود شیریں مزاری اقوام متحدہ اتے عالمی اداریں کوں خط لکھیے، اے پاکستان دے خلاف کیس بݨا تے ݙتا وی??دا پئے ، عمران خان خود محب رسولﷺ ہم او ایں خط کوں واپس گھنݨ دا حکم ݙیون ، متحدہ علماء بورڈ دی طرفوں سیکرٹری پنجاب اتے آئی جی پنج??ب کوں خط لکھیے تے وزیر داخلہ کوں خط لکھدے پیوں ۔ انہاں آکھیے اساں مسیت نبوی واقعہ دے حوالے نال درج سارے مقدمیں متحدہ علما بورڈ کوں بھیجݨ دی درخواست کیتی اے ، اساں عمران خان یا تحریک انصاف کوں محب رسولﷺ سمجھدوں ، عمران خان خود ایں قانون دے وݙے حامی رہ ڳئن ، شیریں مزاری اپݨے ماضی دے مقاصد کوں پورا کرݨ کیتے اے سارا کجھ کریندیاں پئن ، پاکستان اچ پارلیمانی دستور موجود اے، پاکستان اچ کوئی با??شا??ت کائنی ، پاکستان دی فوج اتے سلامتی دے ادارے آئین اتے قانون دے تحت کم کریندے پئن ۔
ملک اچ عدالتاں ہووݨ دے باوجود ڈاکٹر شیریں مزاری اقوام متحدہ کوں خط لکھیا،چیئرمین پاکستان علماء کونسل حافظ محمد طاہر محمود اشرفی دی پریس کانفرنس
مضمون کا ماخذ : نتیجہ میگا سینا
متعلقہ مضامین
